Kumho жеңіл теміржол көлігі үшін TPMS жасады
Kumho Tire өзінің автоматтандырылған жолаушы тасымалдау жүйелеріне (AGT) арналып әзірленген шина қысымын бақылау модулін (TPMSF) жасады және ол 2024 жылдың сәуірінен бастап Оңтүстік Кореядағы Ийжонбу қаласындағы жеңіл теміржол көлігінің ULINE бағытында қолданыла бастады.
AGT терминіне әдетте қалалық және шағын аймақтарды байланыстыратын кіші теміржол жүйелері жатады. Метроға қарағанда AGT-ны салу үшін ақша мен уақыт аз қажет, сонымен қатар шиналарды қолдану дыбыс шуы мен тербелісті азайтады, сондықтан мұндай көлік қалалық жағдайлар үшін тартымды нұсқа болып табылады.
2024 жылдың сәуірінен бастап Kumho компаниясы Оңтүстік Кореяның Сауда, Өнеркәсіп және Энергетика министрлігінің қолдауымен Корей теміржол зерттеу институты (KRRI) мен CoaChips компаниясымен бірлесіп AGT-да қолданылатын шиналардың күйін бақылау үшін сенсорлық модульдер мен қабылдағыш құрылғыларды әзірлеп жатыр. Жаңа жүйе нақты жағдайдағы маршруттарда сынақтан өтті және пайдалануға рұқсат берілді.
Kumho компаниясының айтуынша, жаңа технология шиналармен байланысты инциденттердің санын азайтады, оларды ауыстыру кестесін оптималдауға және көзбен тексерудің қажеттілігін минималды деңгейге дейін төмендетуге мүмкіндік береді, яғни көлік жүйелерінің жұмыс істеу тиімділігі жоғарылайды. Сенсорлық модуль дөңгелектің ішіне орнатылады және қабылдағыш құрылғыға қысым мен температура туралы нақты уақыт режимінде деректерді жібереді, бұл ақпаратты талдау арқылы мүмкін болатын ақаулар туралы алдын ала хабарлауға мүмкіндік береді, нәтижесінде техникалық қызмет көрсетудің қажеттілігі азаяды және қауіпсіздік деңгейі артады. Сонымен қатар компания модульдің қозғалыс кезінде пайда болатын тербелістер мен экстремалды температуралар әсерінде де тұрақты жұмыс істейтінін атап өтті.
«Қозғалыс индустриясы тез өзгеріп жатыр, сондықтан біз жасанды интеллект технологиялары негізінде ақылды жүйелерді әзірлеуге көңіл бөлдік», — деді Kumho компаниясының орынбасар президенті әрі ғылыми бөлімінің басшысы Ким Ён Джин, бұрын TMPS-ті мысалы автобустарға орнатқан болсақ, енді оны теміржол көлігінде де қолданатынымызды қосымша айтты.
Жаңа жүйе Ийжонбуда өзінің тиімділігін көрсеткендіктен, енді компания Кореяда және шетелде тасымалдау ұйымдарымен бірлесіп басқа маршруттарда да оны пайдалануды жоспарлап отыр.
Сурет: ulrt.co.kr