Lenovo шина өнеркәсібіне жасанды интеллект енгізуде
9 қаңтарда Леново Групп пен Jiangsu General Science Technology (GS) шина компаниясы арасында өнеркәсіптің модернизациялау процесін жеделдету мақсатында өзара жасанды интеллект технологиялары саласындағы стратегиялық ынтымақтастық туралы келісімге қол жеткізілді. Бұл шара Қытайдың Уси қаласында өтті.
Ынтымақтастықтың бір бағыты – жасанды интеллект негізіндегі жүйені пайдаланып, рентгендік сәулелер арқылы жүк көлігі шиналарындағы ақауларды анықтау арқылы сапа бақылауының тиімділігін арттыру болып табылады. Төрт кезеңді тестілеу жүргізілді, оның нәтижесінде әзірлеменің тиімділігі GS-тің талаптарына толық сай келетіні анықталды. Жаңа технология сапа бойынша қолмен тексерудің шығындарын 60 пайызға дейін азайтатын болса, теріс нәтижелердің пайда болу жиілігі 80 пайыздан астам төмендейді деп күтілуде.
Сонымен қатар, екі жақ шина өндірісінен бастап клиенттерге қызмет көрсетуге дейінгі барлық кезеңдерде бизнес-процестің автоматтандырылуы мен интеллектуалдылығын арттыру мақсатында жасанды интеллект негізіндегі технологияларды бірлесіп әзірлеуге келісті. Сонымен қатар, шина өнеркәсібі үшін «инновациялық ЖИ-экожүйенің эталоны» құрылуы жоспарлануда, ал технологиялар жаңа өнімдерді әзірлеу мен мамандар даярлау салаларында қолданылатын болады. Ал болашақта бұл серіктестік бүкіл шина өнеркәсібінің технологиялық трансформациясына және дамуына қуатты ықпал ететін болады.
Компанияның өзінің айтуынша, соңғы жылдары Lenovo Қытайдағы ақпараттық технологиялар қызметтерінің нарығында алдыңғы орындарды сақтап келеді, ал оның қызмет көрсету желісі елдің барлық ірі қалаларын қамтиды. Өткен жылдың басында шиналардың сапасын бақылау үшін әлемде тұңғыш рет құрылғы шығарылды, бұл компанияға шина өнеркәсібінде жұмыс істеуге мүмкіндік берді.
GS Қытайда, Тайландта және Камбоджада шина зауыттарына ие. Компания өз дамуының негізгі қозғаушы күші ретінде инновацияларды қарастыратынын атап өтті, соңғы жылдары өнімділікті арттырудың жаңа әдістерін енгізу бойынша белсенді жұмыстар жүргізілді. Қазір GS жасанды интеллект технологияларын енгізу орталығын құруға дайындалуда, сонымен қатар Пекиндегі Цинхуа университеті сияқты Қытайдың алдыңғы қатарлы университеттерімен «шина өнеркәсібінің интеллектуалды модернизациясы» мақсатында ынтымақтастық жасап келеді.