Nexen және Le Coq Sportif бірлесіп теннис аяқ киімін ұсынды

Nexen Tire французиялық бренд Le Coq Sportif-пен бірлесіп электрокарларға арналған шина технологияларын қолдана отырып жасалған жаңа Le Court Advanced теннис аяқ киімін шығарды. 

Бұл жобаның аясында Nexen Tire өзінің шоғырланған компаниясы Nexen Corp. шиналарды жасау үшін шикізат ретінде қолданылатын әртүрлі материалдарды қамтитын жаңа композиттік материалды аяқ киім табаны үшін әзірледі, ал табанның дизайнын жасау жөнінде Le Coq Sportif жауапты болды.

Nexen өкілдері теннис аяқ киімінің тозуға төзімділігі мен ұстағыштығы (сцепление) оптималды болуы керек дейді, ал осы талаптар электрокарлар шиналарына да қойылады, өйткені олар электр көлігінің үлкен бұрау моментімен байланысты қосымша жүктемелерді шыдай алуы керек. Сондықтан шина компаниясының технологиялары аяқ киімнің сипаттамаларын жақсартуға көмектесті, сонымен қатар табандарды жасау үшін құрамға патент тіркелді.

«Le Coq Sportif-пен ынтымақтастық шина технологияларын күнделікті өмірде таныс болатындай ету мақсатында жүзеге асырылды, — дейді Nexen өкілдері. — Болашақта инновациялық технологияларымызды насихаттау үшін әртүрлі брендермен ынтымақтастығымызды жалғастырамыз».

Жаңа аяқ киімдер Кореядағы Le Coq Sportif дүкендерінде, брендтің ресми онлайн-платформасында және ірі интернет-аукциондарда сатылады.