Pirelli Brabus Bodo кабриолеті үшін эксклюзивті шиналар дайындады
Pirelli Aston Martin Vanquish негізінде жасалған және тюнинг-ательенің негізін қалаушы Бодо Бушманнның құрметіне аталған Brabus Bodo ашық купесінің жалғыз шина жеткізушісі болды. Bodo Cabriolet моделіне арнайы дайындалған 22-дюймдік Pirelli P Zero шиналары орнатылған, олар купенің иелері үшін де қолжетімді және 360 км/сағ жылдамдыққа дейін үдету мүмкіндігі бар кабриолет үшін жоғары жылдамдықта тұрақты ұстап тұру қабілетін қамтамасыз етуге арналған, сонымен қатар германиялық люкс брендінің клиенттері күтетін ыңғайлылық деңгейін сақтайды.
Бұл жоба аясында Pirelli инженерлері шиналардың суперкардың техникалық сипаттамаларына — мысалы, шасси баптауларына, дискілер өлшемдеріне және үш секунд ішінде 100 км/сағ жылдамдыққа дейін үдетуге мүмкіндік беретін V12 қозғалтқышының өнімділігіне — дәл сәйкес келуі керек болғандықтан Brabus мамандарымен тығыз ынтымақтасты. Сондықтан жүріс бетінің құрылымы мен үлгісі ғана емес, сонымен қатар резеңке қоспасының құрамы да жетілдірілді, ал жоғары жылдамдықтағы тұрақтылық, басқару дәлдігі мен ыңғайлылық арасындағы тепе-теңдікті қамтамасыз етуға ерекше назар аударылды.
Кабриолетке шиналар алдыңғы бөлікке 285/30ZR22, артқы бөлікке 335/25ZR22 өлшемінде орнатылған, ал Brabus-тың техникалық директоры Йорн Гандер «Pirelli компаниясымен бірге жасалған 22-дюймдік шиналардың сәтті әзірлеуі автомобильдердің үйлесімді мінез-құлқы мен идеалдық динамикасын қамтамасыз етуге деген біздің ұмтылысымызды, ең кішігірім детальдарға назар аударуымызды көрсетеді» деп атап өтті.
Шиналарды әзірлеу барысында автомобильдің ерекше сипаттамаларын ескере отырып, виртуалды ортада олардың сипаттамаларын оптималдауға мүмкіндік берген цифрлық модельдеу технологиялары қолданылды. Одан кейін Германияның Папенбург қаласында жоғары жылдамдықтағы басқарылу сияқты параметрлер бағаланған сынақтардың қарқынды бағдарламасы жүргізілді.
Эстетикалық фактор да маңызды болды, сондықтан шиналар бүйір қабырғалары контрастты элементтермен жасалды, ал шиналар Brabus үшін арнайы жасалғанын BB белгісі көрсетеді.